తెలియకుండానే ఒక వెన్నెల నీడ
తోడునీడగా వెన్నంటి వుంటుంది
కనిపించని ప్రాణవాయువు వీచిక
గుండెను చుట్టుకొని కాపలా కాస్తుంది
అనుభవం విలువై విలువ సుభాషితమై
సమాజానికి మార్గనిర్దేశం చేస్తుంది
మూడు అక్షరాల్లో చెప్పుకుంటే- సంస్కృతి
అక్షర సత్యంగా విప్పుకుంటే-జీవన రీతి
మతమౌఢ్యం కాదు గతాల మధ్య వారధి
చీకటి కుడ్యం కాదు మానవత్వ సన్నధి
మనోలోకాన్ని వెలిగించే హారతి
కాల లోలకాన్ని కదిలించే జాగృతి
సామాన్యుని రక్షణలో సదాపారుతున్న
అనాది జీవనది అదే మానవ సంస్కృతి
-అమ్మంగి వేణుగోపాల్