కోటం చంద్ర శేఖర్ 9492043348
తెల్లార్తె సేనుకి
జెప్పినా ఇనడు
చెప్పులు మారాయిస్తున్నా
వేపపుల్ల ఇర్సుకొని
ఉరుకుడే ఉరుకుడు-
నా పాలబుగ్గల కాడ్నించి పొలమే ఆయన బడి
నా బుద్దెరిగిన కాడ్నించి పొలమే ఆయన గుడి
తోవలో
ముంబ్లేరడు; సేండ్ల రాళ్ళేరడు
వొరాల పొంటి గడ్డంలా మొల్చిన
గడ్డిని పీకడు; కోస్తడు
నాయ్న నాయ్న
సలైనా వానైనా అక్కడే
వొంటిమీద సోయి లేదుగానీ
పంటమీద పుర్గు పారనీయడు
సెక్కబీర్వాలో కాసులెన్నో ఎరుగడుగానీ
సెట్టు మీద కాయల లెక్కచెప్పగలడు
జ్వరమొచ్చినా
సూదెరుగడు; గోలెరుగడు
కష్టాలకి కలతపడడు
భూతల్లి కడుపున తీసి మడిలో నీళ్ళుపోసి
పొద్దుమూక్తది; సీకటైతది
అమ్మకండ్లల్ల సంద్రాలు వార్నా
కరెంటు పోతెనే కడపలో కాళ్ళు
రైతు రాజసం పనేనంటూ
కాటికెళ్ళేదాకా కాడిమోస్తానంటూ